تحدي الــــ٢٩ يوم - البداية

صباح الخير !  مساء الخير !  شكو ماكو !

        اسمي ابراهيم البصري, عراقي بس مو من البصرة 😁 ( بعدين تعرفون من يا محافظة ) كل محافظات العراق عزيزة علينه ونحبها 💓 اني اشتغل في شركة صيرفة  وتحويل مالي من سنة 2013 لغاية كتابة هذي المدونة سنة 2021 يعني صارلي 8 سنوات 😪

 

         احب الموسيقى بأنواعها والسفر والمغامرة والتخييم وتعلم الثقافات المختلفة واكيد التكنولوجيا. هواياتي السباحة وكمال الاجسام ورسم البورتريه بالفحم او اقلام الرصاص اذا تحبون متابعتي على صفحاتي على الانستاكرام من هنا  وايضا على تويتر من هنا  وعلى فيسبوك من هنا

 

 

 

        من بعد انتشار الجائحة تغيرت هواي اشياء مثل طريقة العمل ,اسلوب حياة الناس ,الروتين اليومي صار ممل جداَ و مختلف لأغلب الناس و فرص جديدة ومتاحة لكل الناس واذا ما كنت مستعد اكيد راح تضيع هواي فرص او اصلاَ ما تعرف انها كانت فرصة ممكن تستغلها.

        بالنسبة الي بدأت سنة 2020 بتعلم اللغة الانكَليزية  بجدية اكثر حالياَ اقدر اقول ان مستواي باللغة تطور بصورة افضل من قبل يعني تقيمي لنفسي هو 6 / 10  استخدمت منصة كامبلي الي ممكن تتيحلك التكلم مع السكان الاصليين الناطقين باللغة الانكَليزية بمختلف اللهجات ( امريكا , كندا , استراليا , برطانيا , جنوب افريقيا , جمايكا , ... )

        بدأت تعلم ادارة انظمة الكمبيوتر مثل الويندوز و اللينوكس وكيفية التعامل مع البرامج وتجهيز الكمبيترات المكتبية و صيانتها من زمان يعني من ايام معالج البانتيوم 4 ايبااااه 😂. لكن مع الاسف بدأت متأخر بالبرمجة وقررت اتعلم لغة ( HTML ) و ( CSS ) على الرغم من ان هاتين اللغتين ليست لغتا برمجة لكنهما مهمتان جداَ لأي شخص يريد تعلم تطوير المواقع الالكترونية, وحسب الخطة لدي هي ان اكمل طريقي في تعلم البرمجة , ومن خلال متابعتي للمهتمين بالتكنولوجيا و البرمجة وجدت تحدي الـــ29 يوم والتي هي فكرة المهندس مرتضى التميمي  لذلك قررت اشارك التحدي واتعلم اساسيات لغة ( Javascript ) خلال 29 يوم  واصنع تطبيق ويب بسيط بلغة جافاسكربت.

 

تحياتي .

         بالمناسبة اني من محافظة ذي قار وليس البصرة 😁