Ibrahim's Blog

 صباح او مساء الخير عليكم.           ومازلنا مستمرين بتحدي الــ29 يوم. وصلنا لليوم رقم 20 ومستمر بأكتشاف هاي اللغة الغريبة العجيبة. يلا خلي نسولف         كل يوم مخصص ساعتين الى ثلاث ساعات بين نظري و عملي للغة الجافاسكربت الحلو بهاي اللغة انها لغة متصفح و كل المتصفحات مجانية و المحرر VSC مجاني واحترافي يعني تتعلم مجاناَ 😎           ومثل ما ذكرت من بداية التحدي ان يكون الهدف هو كتابة تطبيق ويب بسيط بلغة الجافاسكربت نستمر ونشوف.          الي اكتشفته خلال عشرين يوم ان لغات البرمجة متشعبة تحتاج الى معلومات عامة لغة البرمجة وحدها لا تكفي لاني احيانا اذهب الى مراجعة بعض المعادلات الرياضية و الحسابية لكي افهم كيف اكتب هذه الاكواد لاحصل على نتائج الادخال و الاخراج على سبيل المثال عندما تعمل على موقع LeetCode لحل المشاكل البرمجية ستحتاج الى عقل رياضي.             وما زلت استخدم نفس الادوات و المصادر الي ذكرتها بالمدونة السابقة مدونة اليو...

صبحكم الله بالخير او مساكم الله بالخير ✋ اي شكو ماكو ؟           بالنسبة الي اني ما زلت مستمر بتحدي الــ29 يوم ومثل ما ذكرت بالمدونة الاولى انه راح اتعلم لغة جافاسكربت ( Javascript ) خلال هذا التحدي وصلت لليوم العاشر واحاول اشاركم بعض التحديات اليومية كل عشرة ايام. لاتنسى انه الهدف النهائي لهذا التحدي هو كتابة تطبيق ويب بسيط بلغة جافاسكربت !             لحد الان صار عندي نظرة عامة عن المنطق في لغة البرمجة ( Logic ) لأن اساس لغات البرمجة جميعها هو المنطق كل لغات البرمجة تتشابه من هذه الناحية ( يكًولون ان لغة جافاسكربت بيها شطحات بالمنطق يعني اشياء غير منطقية تتطبق داخل هذه اللغة لحد الان انه ما مكتشفها 😁 نكتشفها بالمستقبل ) . الادوات و المصادر الي استخدمتها خلال هذا التحدي قبل كل شيء بالتأكيد يفضل ان يكون لديك ( لابتوب ) حتى لو بمواصفات بسيطة البرمجة لا تحتاج منك كمبيوتر خارق و بيئة برمجة يعني المكان او البرنامج الي تكتب فيه الاكواد بالنسبة لي افضل محرر اكواد هو VSC حسب رأي اغلب المبرمجين المحترفين اما مصادر التعلم فه...

صباح الخير !  مساء الخير !   شكو ماكو !           اسمي ابراهيم البصري, عراقي بس مو من البصرة 😁 ( بعدين تعرفون من يا محافظة ) كل محافظات العراق عزيزة علينه ونحبها 💓 اني اشتغل في شركة صيرفة  وتحويل مالي من سنة 2013 لغاية كتابة هذي المدونة سنة 2021 يعني صارلي 8 سنوات 😪              احب الموسيقى بأنواعها والسفر والمغامرة والتخييم وتعلم الثقافات المختلفة واكيد التكنولوجيا. هواياتي السباحة وكمال الاجسام ورسم البورتريه بالفحم او اقلام الرصاص اذا تحبون متابعتي على صفحاتي على الانستاكرام من هنا   وايضا على تويتر من هنا   وعلى فيسبوك من هنا                 من بعد انتشار الجائحة تغيرت هواي اشياء مثل طريقة العمل ,اسلوب حياة الناس ,الروتين اليومي صار ممل جداَ و مختلف لأغلب الناس و فرص جديدة ومتاحة لكل الناس واذا ما كنت مستعد اكيد راح تضيع هواي فرص او اصلاَ ما تعرف انها كانت فرصة ممكن تستغلها.           بالنسبة الي بدأت سنة 2020 ...