تحدي الــــ٢٩ يوم - اليوم عشرين

 صباح او مساء الخير عليكم.

        ومازلنا مستمرين بتحدي الــ29 يوم. وصلنا لليوم رقم 20 ومستمر بأكتشاف هاي اللغة الغريبة العجيبة. يلا خلي نسولف

        كل يوم مخصص ساعتين الى ثلاث ساعات بين نظري و عملي للغة الجافاسكربت الحلو بهاي اللغة انها لغة متصفح و كل المتصفحات مجانية و المحرر VSC مجاني واحترافي يعني تتعلم مجاناَ 😎

        ومثل ما ذكرت من بداية التحدي ان يكون الهدف هو كتابة تطبيق ويب بسيط بلغة الجافاسكربت نستمر ونشوف.

        الي اكتشفته خلال عشرين يوم ان لغات البرمجة متشعبة تحتاج الى معلومات عامة لغة البرمجة وحدها لا تكفي لاني احيانا اذهب الى مراجعة بعض المعادلات الرياضية و الحسابية لكي افهم كيف اكتب هذه الاكواد لاحصل على نتائج الادخال و الاخراج على سبيل المثال عندما تعمل على موقع LeetCode لحل المشاكل البرمجية ستحتاج الى عقل رياضي.

 

        وما زلت استخدم نفس الادوات و المصادر الي ذكرتها بالمدونة السابقة مدونة اليوم العاشر . واكيد تحتاج الى بذل جهد ضعف الذي تستطيع بالنسبة لي لم اكن اخصص ساعتين كل يوم لتعلم شيء جديد لكن في هذا التحدي استطعت ان اتدرب ما بين الساعتين الى ثلاث ساعات يوميا. الشي الي حققته خلال هذي الايام هو مو فد شي خارق لاني ما زلت في الاساسيات لكن بالنسبة الي هو شي كبير واكيد راضي عن مستواي لاني تعلمت اشياء ما كنت اعرفها. اكو شي حلو تعلمته خلال هذا التحدي هو المشاركة وانك تعطي الي تعلمته بصورة صحيحة للمجتمع الخاص يعني ( مجتمع المبرمجين او الرسامين او الشعراء ... ) هذا شي جميل لانك كل ما تعطي راح تاخذ اضعاف الي اعطيت. المشاعر في هذا التحدي ملخبطة لا تسألني عنها 😁 ( لو تكًول اني شجابني هنا لو راح اترك هذا التحدي لو اغير التحدي مالتي وكثير من هذي الامور ). واكيد خلال ايام التحدي راح تتفاجئ بأشياء ما متوقعها او شيء تظن انك ماتكًدر تسوي لكن بعد ما تبدي تجرب يظهرلك جدا سهل, على سبيل المثال كتابة هذه المدونات. ومازال الهدف من هذا التحدي هو نفسه لم يتغير.

        النشاط و الخطة و طريقة التعلم هي نفسها ما احاول اغيرها بالنسة لي تعلم العلوم الجافة مثل البرمجة تحتاج الى نفس الروتين والاستمرارية. واني واثق بنهاية هذا التحدي راح احقق الشي الي اني وضعته من اول يوم. وراح نبدي خلال هذي العشرة ايام الجاية.

تحياتي و نلتقي في نهاية هذا التحدي.